1º ESO - A ODISEA DA ESPECIE: HISTORIA DA EVOLUCIÓN HUMANA

A Odisea da Especie é unha serie documental que ilustra a evolución humana desde aspectos científicos, a partir das evidencias mostradas polos xacementos arqueolóxicos. É a máis extraordinaria das aventuras: a historia da raza humana, desde os primeiros antropoides, fai 8 millóns de anos, pasando polo Australopithecus, o Homo Ergaster, O Neanderthal, ata o Homo Sapiens da era moderna, fai uns 10.000 anos.

Actividades: 

Despois de ver o vídeo, revisa o libro e elabora un eixo cronolóxico, ordeando os seguintes fitos da evolución humana:

- homo habilis
- control do lume
- australopithecus
- bifaz
- homo sapiens
- pinturas rupestres
- neandertais
- primeiros enterramentos
- homo erectus

1º ESO - TRABALLO DE COMPETENCIAS : LIÑA DA EVOLUCIÓN HUMANA

O proceso de hominización é o conxunto de cambios biolóxicos que experimentaron algúns primates primitivos para evolucionar e dar lugar ós homes modernos. Os cambios máis importantes foron: a marcha bípeda, o aumento da capacidade cranial e do cerebro, a diminución da mandíbula e a aparición da linguaxe.

A causa foi a sucesión de mutacións xenéticas debido ós cambio climáticos e medioambientais. Despois dos cambios as especies peor adaptadas ao medio van desaparecendo, a isto chámase selección natural. Esta teoría fori formulada por primeira vez polo científico e naturalista Charles Darwin.

1º ESO - A ARQUEOLOXÍA

Como se estuda a prehistoria?

Marta é unha arqueóloga que traballa cun equipo nunha escavación de tempos do Paleolítico. O seu obxectivo é recuperar os restos que contén o depósito para estudalos polo miúdo e explicar como vivían os seres humanos no pasado.

A arqueoloxía encárgase de rescatar e analizar os vestixios materiais (obxectos e monumentos) do pasado.

É unha ciencia imprescindible para coñecer a Prehistoria, un período no que non existía a escritura e do que, polo tanto, non temos documentos escritos.

O equipo de arqueólogos de Marta traballa nunhas escavacións nas que se atoparon restos dun campamento e dun enterramento, ambos os dous da mesma época do Paleolítico.

Que é un depósito arqueolóxico?

Un xacemento ou depósito arqueolóxico é un lugar que estivo habitado por seres humanos e no que se mantiveron, ata os nosos días, restos materiais das súas actividades.

Estes restos deposítanse en capas ou estratos superpostos, e cada un deles correspóndese cun período de ocupación. Os estratos máis fondos son os máis antigos.

Os seres humanos, a miúdo, habitamos nos mesmos lugares onde o fixeron as xeracións anteriores e construímos edificios sobre as ruínas doutros. No entanto, tamén hai lugares que se abandonan, e neles as edificacións van derrubándose e quedan cubertas de vexetación e terra.

Despois de ler estas liñas bótalle unha ollada ó video do link ( https://www.youtube.com/watch?v=lMxUBVQ68-Y ) e resposta a s sguintes preguntas: 

A) ¿Para que serve a arqueoloxía?
B) ¿En que consiste a labor do arqueologo?
C) ¿Coñeces algún xacemento arqueolóxico próximo á túa localidade? Indica o seu nome e os datos que coñeces a cerca del.  
D) ¿Por que coidas que é importante conservar o patrimonio histórico-artístico? 

1º ESO: ETAPAS DA HISTORIA

A historia é a ciencia encargada do estudo do pasado da humanidade. 

O estudo do pasado permítenos comprender o presente.

A historia organízase en idades, que son  etapas de carácter sucesivo.   

ETAPAS DA HISTORIA: 

PREHISTORIA: É un amplo período de tempo que se inicia coa aparición dos primeiros seres humanos e remata coa aparición da escritura (2,5 millóns de anos - 3000 a. C.). Divídese en tres etapas, atendendo ao material co que ditos utensilios foron fabricados: Paleolítico, Neolítico e Idade dos Metais

IDADE ANTIGUA (3000 a. C. - 476 d. C.):  Aparecen os primeiros documentos escritos e desenvólvense grandes civilizacións en Mesopotamia, Exipto, Grecia e Roma.

IDADE MEDIA (476 d. C. - 1492 d. C.): Tras a caída do Imperio romano de Occidente, Europa fragméntase en diferentes reinos, quedando na maioría dos casos baixo o dominio dos xermanos. O cristianismo convértese na relixión oficial e aparece unha nova organización social, baseada nas relacións de vasalaxe ou servidume, chamada feudalismo.

IDADE MODERNA (1492 d. C. - 1789 d. C.):  Comeza co descubrimento de América e o renacemento Italiano, e remata coa Revolución Francesa. É a época dos grandes descubrimentos, da aparición da imprenta e das monarquías absolutas.

IDADE CONTEMPORÁNEA (1789 d. C. ata a actualidade):  Comeza coa Revolución francesa e chega ata a actualidade. Son moitos os acontecementos que se producen durante este período: ten lugar a revolución industrial, aparecen os grandes inventos e a tecnoloxía. Ademais, esténdense as formas democráticas de goberno e, xa no S: XX, teñen lugar as grandes guerras mundiais.

Podes descargar a presentación presentación que empregamos en clase facendo click AQUÍ

3º ESO: COMUNIDADES AUTÓNOMAS E PROVINCIAS DO ESTADO ESPAÑOL

Nos seguintes mapas Iinteractivos podes repasar as comunidades e provincias do estado español.  A ver quen de vos é capaz de resolvelo sen fallos e o máis rápido posible...

Fai click no nome do mapa para acceder a el. 

MAPA 1: PROVINCIAS

MAPA 2: COMUNIDADES

3º ESO: OS PAÍSES DE EUROPA

No seguinte mapa interactivo podes repasar os países de Europa e as súas capitais.  A ver quen de vos é capaz de resolvelo sen fallos e o máis rápido posible...

Para xogar fai click no AQUÍ