1º ESO: COMPROBA O QUE SABES: KAHOOT EXIPTO E MESOPOTAMIA

 

Xa rematamos o tema. Podes comprobar o que sabes facendo este Kahoot. 

Para xogar fai click AQUÍ. Moita sorte!!!

1º ESO: AS CRENZAS FUNERARIAS DOS EXPCIOS

Para os exipcios, os seres humanos estaban formados por un corpo e unha alma (ka). Crían que cando o corpo morría, o ka accedía á vida de ultratumba no reino de Osiris.

Para ser aceptado no reino dos mortos, o corpo debía permanecer incorrupto. Para iso, o defunto debía ser momificado, seguir un sofisticado ritual e presentarse perante o Tribunal de Osiris, guiado polo deus Anubis.

Neste tránsito, colocábase na tumba do defunto un exemplar do Libro dos Mortos, que contiña unha serie de regras sobre como se debía comportar perante o Tribunal dos deuses. 

A continuación proponoche adentrarte no muno das crenzas do antigo exipto a través do traballo cun comic.   DESCARGA O COMIC e fai as actividades que veñen na última páxina. 

1º ESO - AS ORIXES DA ESCRITURA

A aparición da escritura aproximadamente cara ao 3500 a. C. supón o inicio da Historia.

Exipto e Mesopotamia serían as dúas civilizacións pioneiras na utilización da escritura. En principio, foi un instrumento que serviu para asuntos económicos e relixiosos, posteriormente estendeuse a outras utilidades. Chegaría a ser un elemento de distinción fronte a unha maioría social analfabeta.

A escritura en Mesopotamia chamábase cuneiforme, porque os seus signos empregados eran en forma de cuña. Escribíase sobre tablillas de arxila húmida e branda.

Un exemplo magnífico de escritura cuneiforme é o Código Hammurabi conservado no Museo do Louvre. Data do 1750 a. c , é un código de leis, redactado emposto en época de Hammurabi, rei babilonio. Trátase dun código onde se impoñen castigos durísimos.

A escritura en Exipto era a xeroglífica, como base utilizábase o papiro; aínda que tamén é certo que se chegou a utilizar para a decoración dos grazas á de templos e tumbas...

Hoxe día sabemos interpretar a escritura exipcia grazas á famosa Pedra Rosetta estudada por Champollion, conservada no British Museum en Londres. Este achado produciuse no s. XVIII d. c polas tropas de Napoleón. Era un decreto, escrito en tres linguas: grego, xeroglífico e demótico. Como se sabía traducir o grego, directamente empezouse a traducir o xeroglífico que ata ese momento era un enigma.

Estas civilizacións á hora de escribir nun principio utilizarían os chamados pictogramas, é dicir, especie de debuxos de obxectos que equivalían á cada cousa; despois na súa escritura introduciron os ideogramas, é dicir, signos que equivalerían a accións ou ideas abstractas; finalmente para completar a súa escritura utilizarían tamén os fonogramas, é dicir, signos que equivalerían a sons.

Serían os fenicios no S.X a.C. os que crearían unha escritura alfabética como a nosa. Nela, cada signo equivalería a un son.

ACTIVIDADES:

Despois de ler a teoría contesta as seguintes preguntas:

1.- Onde e cando xorde a escritura?

2.- Para que se empregaba orixinalmente a escritura.

3.- Explica as diferencias entre a escritura cuneiforme e a escritura xeroglífica.

4.- Quen e cando inventou a escritura alfabética?

5.- Escribe o teu nome en xeroglífico. Para elo fai click no LINK  e, como se foses un escriba, debuxa a traducción na túa libreta. 

CONECTA ARTE ANTIOQUÍA: TALLER DE ARTE RUPESTRE

Dende o día hoxe está exposto o traballo que fixeron as alumnas e alumnos de 1º curso de ESO  no Taller de Arte Rupestre celebrado a finais do pasado mes de abril, grazas o cal puideron experimentar, coas súas propias mans, o proceso de creación das primeiras manifestacións artísticas da historia de humanidade con pouco que envidiarlle ás/ós artistas de Altamira ou Lascaux. 

Parabéns polo traballo!

25 de NOVEMBRO 2022

 

O 25 de novembro conmemórase o Día Internacional da Eliminación da Violencia contra a Muller e dende o Departamento de Xeografía e Historia queremos unirnos á denuncia de todas as formas de violencia que sofren as mulleres pola única razón de selo.

A violencia de xénero é a expresión máis infame da desigualdade entre mulleres e homes que aínda persiste na sociedade e  que traspasa fronteiras, estando presente en tódolos países a nivel mundial. Tamén en España, onde dende que hai estatísticas oficiais, rexístrase cada ano unha media de 60 asasinatos e decenas de miles de mulleres maltratadas, xunto aos seus fillos e fillas, vítimas silenciosas da barbarie que quedarán marcadas para sempre. 

No seguinte vídeo podedes ver distintas mensaxes contra á violencia de xénero e  reivindicacións  realizada polas alumnas e alumnos de segundo e terceiro curso de ESO e de primeiro de bacharelato con motivo da conmemoración do 25-N.

Moitas grazas a todas e todos pola vosa colaboración e o traballo realizado.

1º ESO - A ODISEA DA ESPECIE: HISTORIA DA EVOLUCIÓN HUMANA

A Odisea da Especie é unha serie documental que ilustra a evolución humana desde aspectos científicos, a partir das evidencias mostradas polos xacementos arqueolóxicos. É a máis extraordinaria das aventuras: a historia da raza humana, desde os primeiros antropoides, fai 8 millóns de anos, pasando polo Australopithecus, o Homo Ergaster, O Neanderthal, ata o Homo Sapiens da era moderna, fai uns 10.000 anos.

Actividades: 

Despois de ver o vídeo, revisa o libro e elabora un eixo cronolóxico, ordeando os seguintes fitos da evolución humana:

- homo habilis
- control do lume
- australopithecus
- bifaz
- homo sapiens
- pinturas rupestres
- neandertais
- primeiros enterramentos
- homo erectus

1º ESO - TRABALLO DE COMPETENCIAS : LIÑA DA EVOLUCIÓN HUMANA

O proceso de hominización é o conxunto de cambios biolóxicos que experimentaron algúns primates primitivos para evolucionar e dar lugar ós homes modernos. Os cambios máis importantes foron: a marcha bípeda, o aumento da capacidade cranial e do cerebro, a diminución da mandíbula e a aparición da linguaxe.

A causa foi a sucesión de mutacións xenéticas debido ós cambio climáticos e medioambientais. Despois dos cambios as especies peor adaptadas ao medio van desaparecendo, a isto chámase selección natural. Esta teoría fori formulada por primeira vez polo científico e naturalista Charles Darwin.

1º ESO: ETAPAS DA HISTORIA

A historia é a ciencia encargada do estudo do pasado da humanidade. 

O estudo do pasado permítenos comprender o presente.

A historia organízase en idades, que son  etapas de carácter sucesivo.   

ETAPAS DA HISTORIA: 

PREHISTORIA: É un amplo período de tempo que se inicia coa aparición dos primeiros seres humanos e remata coa aparición da escritura (2,5 millóns de anos - 3000 a. C.). Divídese en tres etapas, atendendo ao material co que ditos utensilios foron fabricados: Paleolítico, Neolítico e Idade dos Metais

IDADE ANTIGUA (3000 a. C. - 476 d. C.):  Aparecen os primeiros documentos escritos e desenvólvense grandes civilizacións en Mesopotamia, Exipto, Grecia e Roma.

IDADE MEDIA (476 d. C. - 1492 d. C.): Tras a caída do Imperio romano de Occidente, Europa fragméntase en diferentes reinos, quedando na maioría dos casos baixo o dominio dos xermanos. O cristianismo convértese na relixión oficial e aparece unha nova organización social, baseada nas relacións de vasalaxe ou servidume, chamada feudalismo.

IDADE MODERNA (1492 d. C. - 1789 d. C.):  Comeza co descubrimento de América e o renacemento Italiano, e remata coa Revolución Francesa. É a época dos grandes descubrimentos, da aparición da imprenta e das monarquías absolutas.

IDADE CONTEMPORÁNEA (1789 d. C. ata a actualidade):  Comeza coa Revolución francesa e chega ata a actualidade. Son moitos os acontecementos que se producen durante este período: ten lugar a revolución industrial, aparecen os grandes inventos e a tecnoloxía. Ademais, esténdense as formas democráticas de goberno e, xa no S: XX, teñen lugar as grandes guerras mundiais.

Podes descargar a presentación presentación que empregamos en clase facendo click AQUÍ