4º ESO: SEGUNDA GUERRA MUNDIAL

A Segunda Guerra Mundial (1939-1945) considérase o conflito bélico máis grande da historia. Ningún outro antes nin despois igualouno en grao de mobilización de recursos (materiais e humanos) nin en número de vítimas.

O inicio da guerra tivo a súa orixe no expansionismo nazi que se viu alentado polas consecuencias derivadas do Tratado de Versalles e a crise do 29, que as democracias occidentais foron incapaces de frear.

Paralelamente, Xapón fora profundizando na súa política imperialista en Asia e no Pacífico, rivalizando con outra gran potencia, EEUU.

Despois de ter analizado as causas da guerra en posts anteriores, podes descargar os apuntes que explican o desenvolvemento do conflito AQUÍ

ACTIVIDADES

1.- Elabora un cadro sinóptico no que analices os seguintes aspectos  da segunda guerra mundial. 

A) Causas.
B) Contendentes (bandos).
C) Fases e episodios importantes.

2.- Define os seguintes termos relacionados coa segunda guerra mundial:

Anscluss 

Batalla de Stalingrado 

Blitzkrieg 

Confrencia de Ialta 

Desembarco de Normandía 

Eixo

Kamikaze
Luftwaffe
Pacto de Aceiro

Pearl Harbour

Solución Final

URSS

Podes repasar facendo una kahoot. Fai click AQUÍ

1º BACH: CARTAS DENDE AS TRINCHEIRAS

 

As alumnas e alumnos de 1º de bacharelato presentarona actividade "cartas dende as trincheiras". 

Trátase dunha actividade no que cada alumno asumiu o rol sobre unha persoa real ou figurada que participase na guerra e indegou a como eran as condicións de vida dos soldados nas trincheiras.

Esta tarefa premitiulles afondar un pouco mais no coñecemento  da Primeira Guerra Mndial e poñerse na pel dun dos seus protagonistas.

1º BACH: A PRIMEIRA GUERRA MUNDIAL

Nos comezos do século XX, as rivalidades económicas, coloniais e nacionais entre os Estados europeos conduciron a unha escalada de tensións e unha carreira de armamentos que desembocaron na Primeira Guerra Mundial (1914-1918).

Tratouse dun novo tipo de conflito que implicou países de todo o mundo, mobilizou non só os exércitos senón tamén a poboación civil, e deixou un terrible saldo de mortos e destrución. 

No seguinte enlace poderás visionar a serie documental "LA Primera Guerra Mundial en color" que che permitirá coñecer un pouco mellor a historia deste tráxico conflicto.  Podes acceder ós vídeos premendo AQUÍ

Depois de ver os vídeos fai as seguintes ACTIVIDADES coa axuda do libro.

1.- Cando tivo lugar a Primeira Guerra Mundial? Indica as datas do seu comezo e o seu final.  

2.- Que bloques enfrontáronse no conflito? Que países integraban cada bloque?

3.- Explica as causas da Primeira Guerra Mundial.

4.- Indica as diferentes fases da Primeira Guerra Mundial. Explica brevemente as súas características.

5.- Explica as novidades bélicas que se introduxeron no Na Primeira Guerra Mundial. Valora o seu impacto.  

6.- Por que se di que 1917 é un ano clave no conflito?

7.- Explica as consecuencias que se derivaron da Primeira Guerra Mundial?

8.- Que tratados de paz se asinaron coas potencias derrotadas? Explica algúns dos seus puntos máis destacados.

9.- Define:

A)Káiser

B)Sociedade de Nacións

C) Atentado de saraxevo.

D) 14 puntos de Wilson

2º ESO: TALLER DE VIDRIEIRAS GÓTICAS

As alumnas e alumnos de 2º de ESO construiron as súas propias vidieiras para decorar a clase e entender mellor a estética da luz da arte gótica. Este foi o resultado. 

2º ESO: TRABALLO DE COMPETENCIAS. TALLER DE VIDRIEIRAS GÓTICAS

A partir de mediados do século XII, a aparición de novas técnicas construtivas permitiron a aparición dun estilo artístico que se coñece co nome de Gótico.

Como xa sabes, as enormes fiestras e rosetóns das igrexas e catedrais  góticas cubríronse con vidreiras de cores. Estas tiñan por obxecto crear espazos iluminados que querían conducir os fieis a un novo ambiente  espiritual.

Na seguinte actividade propoñemosvos construir as voas propias vidrieiras para decorar a clase. 

Os MATERIAIS que precisaredes son os seguintes: 

Cartulina negra tamaño A2
Papel celofán de cores
Pegamento
Tesoiras/cuter

A contiuación deixámosvos uns titoriais para que vos sirvan de guía: 

No seguinte ENLACE podedes ver algúns modelos. Podedes seleccionar o que máis vos guste. Valorarase a  orixinalidade e a dificultade. Para buscar máis exemplos poñedes en google: plantillas de vidrieras góticas.

Data de entrega: Venres 5 de abril. 

2º ESO: HISTORIA DE GALICIA EN COMIC

As alumnas e alumnos de 2º  de ESO recrearon distintos episodios da historia da Alta Idade Media de Galicia en Comic como a chegado dos vikingos ás costas de Galicia, o descubrimento da tumba do apóstolo Santiago, a fundación do mosteiro de celanova. Este foi o resultado: 

2º ESO: PROXECTO HISTORIA DE GALICIA EN COMIC

O presente proxecto pretende afondar no coñecemento da Alta Idade Media en Galicia  a partir de indagación en episodios relevantes da Historia de Galicia.

As alumnas e alumnos deben  recoñecer que, tras a conquista musulmana da Península Ibérica,  os séculos IX e X  foron un período de reordenación social e política, pero  tamén tempos de inseguridade, nos que as costas galegas se ven sometidas a ataques de normandos e sarracenos.

Tamén foi a época en que se fundan numerosos  centros monásticos e tamén se producirá o achado da tumba do Apóstolo Santiago, feito de gran transcendencia na Historia de Galicia.

Cada grupo debe  información dos seguintes episodios e elaborar un comic que reflexe os acontecementos: 

- As tropas musulmás asedian a cidade de Lugo.

- Al Manzor saquea a cidade de Santiago de Compostela.

- Os Vikingos asaltan as costas de Galicia. 

- San Rosendo funda o Mosteiro de Celanova.

- O descubrimento da tumba do apóstolo Santiago. 

 Podedes ver un exemplo no seguinte LINK

25 novembro

O 25 de novembro conmemórase o Día Internacional da Eliminación da Violencia contra a Muller e desde o Departamento de Xeografía e Historia queremos unirnos á denuncia de todas as formas de violencia que sofren as mulleres por razón do seu xénero.

A violencia de xénero é a expresión máis infame da desigualdade entre mulleres e homes que aínda persiste na sociedade, tamén en España, onde dende que hai estatísticas oficiais, rexístrase cada ano unha media de 60 asasinatos e decenas de miles de mulleres maltratadas, xunto aos seus fillos e fillas, vítimas silenciosas da barbarie que quedarán marcadas para sempre.  

No seguinte vídeo podedes ver a actividade contra a violencia de xénero realizada polas alumnas e alumnos de primeiro de ESO e de segundo de bacharelato con motivo da conmemoración do 25-N.

        Porque educar en igualdade é construir un futuro mellor. 

        Grazas a todas e todos pola vosa participación!